中秋．慶團圓！

大時大節食慶祝節日飯其實都幾痛苦，煩食乜之餘又要煩訂位....
所以Ksmeow跟親人都會提早慶祝，以免只得A,B,C餐！
我已經食咗兩餐中秋飯喇，先跟大家分享上星期六晚在八喜食的第一餐！！！

．
．
．

因為要遷就早肥家的親人，所以訂座時選擇了尾場（8時入座）
我們到達時已經被門外、餐廳內的人群嚇怕！
人群迫得水泄不通！

正擔心將會誤點才能入座，幸好店方仍能準時交枱；
而且餐牌上除了A,B,C餐，還有其他小菜選擇，值得一讚！

．
．
．

所點的菜式陸續上枱！
Yummy！

招牌大盆雞（一隻）

．
．
．

《招牌大盆雞》
大木盆內藏瓦缽，盛著熱騰騰的大盆雞，
嫩滑雞肉已經去骨去皮，令肉質更易吸收醬汁精華！

不過，這道菜另一靈魂～薯仔，其實比雞肉更吸引！
因為薯仔吸收大量雞油，又爆得非常香口，
好味程度爆燈！

．
．
．

濃湯浸什菌

金瓜川味牛

海參雞粒豆腐煲

．
．
．

《濃湯浸什菌》
煲內有多款雜菜，而且有些像豆乾的配料，口感豐富！
湯底如菜名般濃郁！
最正是炸枝竹吸了濃湯味道，很不錯！

．

《金瓜川味牛》

金瓜即是南瓜，南瓜非常新鮮！
牛肉、牛肋醃製得非常入味！而且醬汁夠惹味！
喜愛濃味者應該會大愛！

．

《海參雞粒豆腐煲》
豆腐吸收香口雞油，雞粒嫩滑入味，炒得好香口！
不過吃不到海參！！！

．
．
．

青蟳米糕

花膠筒雲吞雞

．
．
．

《青蟳米糕》
青蟳米糕即是蒸蟹糯米飯！
肉蟹比我相像中大隻好多，肉質鮮甜無比，
Ksmeow選的蟹蓋，異常多膏！

不過，糯米飯反而比想像中少，而且蟹味及荷葉味稍弱！
若入味啲，口感會更見豐富！

．

《花膠筒雲吞雞》
湯底濃郁，雞肉肉質正常，沒有「鞋」口感覺！
如雲吞選用菜肉餡料，會更合我心水！

．

《九層塔香煎豬柳》

豬柳肉質爽嫩，唔算油！份量亦足夠一家人吃！

但豬柳醃製時間不夠耐，沒有味！

．

．
．

九層塔香煎豬柳

超正的客家蒸芥膽！

．
．

．

《客家蒸芥膽》
雖然只是簡單一碟菜，但呢碟菜真係超驚喜！
面頭的梅菜汁慢慢滲入芥菜，已經令芥菜加添一份惹味！
加上芥菜唔苦，仲感覺到一份自然的甜味！
完全Perfect Match！

．

《肉燥炒A菜》
肉燥份量多，但炒得油咗啲！

．

雖然當時已經食到好飽，但都多點了三款甜品
《鳳梨沙冰》、《薑茶珍珠湯丸》、《九份芋頭珍珠圓》
令整餐團圓飯更甜蜜！嘻嘻...

．
．
．

鳳梨沙冰，味道清新，不過外表就...
嘻嘻！

九份芋頭珍珠圓

薑茶珍珠湯丸

．
．
．

《鳳梨沙冰》
沙冰有兩款，分別是士多啤梨味與鳳梨味，
Ksmeow選擇了後者！
鳳梨味甜度啱啱好，感覺清新解渴，沒有感到人工甜味！

．

《九份芋頭珍珠圓》
外貌跟台灣九份所見到的差不多；
但配料味道、配搭跟當地的有分別，薑味亦較重！

．

《薑茶珍珠湯丸》
話明慶團圓，又點少得湯丸這個主角呢？
湯丸軟綿綿，而且吸收了濃味薑汁，食完暖笠笠！
頓時感到一股幸福感覺！

．
．
．

這餐家庭晚飯，整體味道合格有餘！
而且大家十吃得開開心心，感覺已經非常良好！

今回小分享完畢，有興趣可按 主頁 或 Facebook 欣賞其他分享！

謝謝您的LiKe ♥ KsMeow會繼續努力

謝謝！：）