澳門．美食遊記《喜迎樓》

上週末，KsMeow跟早肥先生去了澳門一趟。
五年後再來，感覺四周都是氣派非凡的星級酒店，
第一站是往酒店品茶，感受那裡氣氛...


．
．
．

大雨天下出發

到達澳門已經午餐時份，先往新濠天地品茶，
喜迎樓裝潢充滿品味，大愛那些紅色水晶波波，很美！
環境很舒適，每張檯之間都有一定距離，
學Macy話齋私隱度滿分呀！

．
．
．

服務員的態度與反應都可以用醒目來形容，
經常留意每張檯客人的需要，但多點笑容會更親切。

點心陸續登場，先來蟹肉鮮蝦蒸粉果，
賣相有點似油角的粉果有三件，
皮不算厚身，蟹肉、蝦肉比例尚算平均，新鮮爽口，
當中有粉葛平衡兩者，可一試！

蟹肉鮮蝦蒸粉果

脆皮海鮮腸粉

再來熱騰騰的脆皮海鮮腸粉，
但侍應過份心急？二話不說便把大量醬油倒下！
令腸粉的底部變得過淋！

而KsMeow只吃到鮮蝦，其他海鮮...
幸好新鮮的油條搶回部份分數，面頭的蔥花份量相當多，
增添不少香味！

．

炸得金黃色的XO醬鮮蝦春卷，非常乾身，
食落口脆卜卜的，
就算每人3件亦不覺油膩，超讚！

XO醬鮮蝦春卷

鹵水豆腐

豆味濃郁，每片都非常嫩滑！

壓軸出場的是鹵水豆腐，
深褐色的鹵水豆腐豆味濃郁，每片都非常嫩滑，
外皮仲要抵死到有少少脆，再點上酸酸甜甜醬汁，真係頂瓜瓜！
若然鹵水味可以再入味啲就更加好！

埋單計數每人約100個大洋，以環境+食物質素來說算值回票價了。
三五知己在這裡邊飲茶，邊欣賞景色，一樂也！
今回小分享完畢，有興趣可按 主頁 或 Facebook 欣賞其他分享！

謝謝您的LiKe ♥ KsMeow會繼續努力

謝謝！：）